ಸದ್ವಿದ್ಯಾ ಪಾಠಶಾಲೆ – ಮೈಸೂರು

1854ರಲ್ಲಿ ಆರಂಭವಾದ “ಸದ್ವಿದ್ಯಾ ಪಾಠಶಾಲೆ” ಮೈಸೂರಿನ ಅತ್ಯಂತ ಹಳೆಯ ಮತ್ತು ಹೆಸರುವಾಸಿ ಶಾಲೆಗಳಲ್ಲೊಂದು. ಈ ಶಾಲೆಗೆ 170ವರ್ಷಗಳ ಇತಿಹಾಸವಿದ್ದು 1922ರಿಂದ ಸರ್ಕಾರದ ಅನುದಾನವೂ ದೊರೆಯುತ್ತಿದೆ. ಎಲ್.ಕೆ.ಜಿ.ಯಿಂದ ಹತ್ತನೇ ತರಗತಿಯವರೆಗೆ ಮಕ್ಕಳು ಇಲ್ಲಿ ಕಲಿಯಬಹುದಾಗಿದೆ. ಆಟವಾಡಲು ಮೈದಾನ, ಪ್ರಶಾಂತವಾದ ಪರಿಸರ ಮತ್ತು ಒಳ್ಳೆಯ ಸವಲತ್ತುಗಳನ್ನು ಈ ಶಾಲೆ ಒಳಗೊಂಡಿದೆ.

ಈ ವರುಶ ಪ್ರಾಥಮಿಕ ಶಾಲೆಯಲ್ಲಿ 205 ಮಕ್ಕಳು ಓದುತ್ತಿದ್ದು ಒಟ್ಟು 7 ಮಂದಿ ಶಿಕ್ಷಕರಿದ್ದಾರೆ. ಪ್ರೌಢ ಶಾಲೆಯಲ್ಲಿ ಒಟ್ಟು 200 ಮಕ್ಕಳು ಓದುತ್ತಿದ್ದು 10 ಮಂದಿ ಶಿಕ್ಷಕರಿದ್ದಾರೆ. 2014ರಲ್ಲಿ 1ನೇ ತರಗತಿಗೆ 26 ಮಕ್ಕಳು ಹೊಸದಾಗಿ ಸೇರಿದ್ದಾರೆ. ಈ ಶಾಲೆಯ ಎಲ್ಲಾ ಮಕ್ಕಳು ಹುರುಪಿನಿಂದ ಕಲಿಯುತ್ತಿದ್ದು ಉತ್ತಮ ಫಲಿತಂಶ ತರುತ್ತಿರುವುದಾಗಿ ಶಾಲೆಯ ಮುಖ್ಯೋಪಾಧ್ಯಯರಿಂದ ತಿಳಿದುಬರುತ್ತದೆ.

ಮಕ್ಕಳಿಗೆ ಮೊದಲ ಹಂತದಿಂದಲೇ ಚನ್ನಾಗಿ ಇಂಗ್ಲೀಷ್ ಮಾತನಾಡುವುದನ್ನು (spoken English) ಕಲಿಸಲಾಗುತ್ತದೆ. 5ನೇ ತರಗತಿಯಿಂದ ಕಂಪ್ಯೂಟರ್ ವಿಷಯವನ್ನೂ ಕಲಿಸಲಾಗುತ್ತದೆ. ವಿಜ್ಞಾನದ ತಾಂತ್ರಿಕ ಪದಗಳನ್ನು ಕಲಿಸುವಾಗ ಅವುಗಳ ಇಂಗ್ಲೀಷ್ ಹೆಸರುಗಳನ್ನೂ ತಿಳಿಸುವ ಮೂಲಕ ಮುಂದಿನ ಹಂತದ ಕಲಿಕೆಯಲ್ಲಿ ಮಕ್ಕಳಿಗೆ ನೆರವಾಗುವಂತೆ ಇಲ್ಲಿನ ಶಿಕ್ಷಕರು ನೋಡಿಕೊಳ್ಳುತ್ತಾರೆ. ಇದೆಲ್ಲದರೊಂದಿಗೆ ಮಕ್ಕಳ ಕಲಿಕೆಯಲ್ಲಿ ಪೋಷಕರ ಪಾಲ್ಗೊಳ್ಳುವಿಕೆ ಹೆಚ್ಚಿರುವುಂತೆ ನೋಡಿಕೊಳ್ಳಲಾಗುತ್ತದೆ.

ವಿಳಾಸ:  ಸದ್ವಿದ್ಯಾ ಪಾಠಶಾಲೆ, ನಾರಾಯಣ ಶಾಸ್ತ್ರಿ ರಸ್ತೆ, ಮೈಸೂರು.